Mir_sinn

D Drummelgrubbe d Ryyslaiffer 1995

Mir sinn e glaini, logger organisyerty Grubbe, wo zämme wänn d Kameradschaft mit e bitzeli Niveau und e guets Basler Drummle pflääge mit em Zyyl, glatti Fasnachte z erlääbe. Au underem Joor gitts ab und zue emool die aint oder ander Veraaschtaltyg.
Mir mache als ainy vo weenyge Drummelgrubbe drey Dääg zämme Fasnacht, gheere aber nitt zem Comité und laufe kai Route. Was mer au sinn: immer offe fir neyi Sache, zem Byschbyyl im 2009 e Zämmeschluss mit de Bebbi-Segg oder ney gmainsami Rundgäng mit de Drummler vo de Piranhas, FHW und anderne.
D Drummelgrubbe Ryyslaiffer 1995 beschtoht aggtuell uss villne Vordrääbler, 1 Dambuur-Major und 7 Dambuure. Vorallem vo de letschte sueche mir immer wider neyi Lyt, wo zue uns basse.
Iiebe dien mir immer am Donnschdig, maischtens im Iebigslokal vo dr Dalhousie Pipe Band in Blätzbums.